Perfection of Yoga (Yogada Paripoornate)- Kannada (ಕನ್ನಡ)

ಶ್ರೀ ಶ್ರೀಮದ್ ಎ.ಸಿ. ಭಕ್ತಿವೇದಾಂತ ಸ್ವಾಮಿ ಪ್ರಭುಪಾದ ಸಂಸ್ಥಾಪಕರು ಮತ್ತು ಆಚಾರ್ಯರು: ಅಂತಾರಾಷ್ಟ್ರೀಯ ಕೃಷ್ಣಪ್ರಜ್ಞಾ ಸಂಘ
ಭಕ್ತಿವೇದಾಂತ ಬುಕ್ ಟ್ರಸ್ಟ್ ಭಾರತೀಯ ಸಂಸ್ಕೃತಿಯನ್ನು ಪ್ರಸಾರ ಮಾಡುವ ಸಂಕಲ್ಪದಿಂದ ಶ್ರಮಿಸುತ್ತಿರುವ ಭಾರತೀಯರ ಮಹಾ ಸಂಸ್ಥೆ ಎಂದು ವಿಶ್ವದಾದ್ಯಂತ ಮನ್ನಣೆಯನ್ನು ಗಳಿಸುತ್ತಿರುವುದು ಭಾರತವರ್ಷದ ಭಾಗ್ಯವೆಂದೇ ಹೇಳಬಹುದಾಗಿದೆ.
ಅತ್ಯಂತ ಸಂಧಿಗ್ಧ ಪರಿಸ್ಥಿತಿಯಲ್ಲಿದ್ದ ಪ್ರಿಯಸಖ ಅರ್ಜುನನಿಗೆ ಶ್ರೀಕೃಷ್ಣನು ಉಪದೇಶ ಮಾಡಿದ ಭಾಗವನ್ನೇ ಈ ಪುಟ್ಟ ಗ್ರಂಥದಲ್ಲಿ ವಿಶದವಾಗಿ ವಿವರಿಸಲಾಗಿದೆ. ಯೋಗದಲ್ಲಿ ಅನೇಕ ಪ್ರಕಾರಗಳಿವೆ. ದೇಹದಂಡನೆ ಯೋಗವಲ್ಲ. ಪ್ರಾಣಾಯಾಮ, ಪ್ರತ್ಯಾಹಾರ, ಸೈರಣಿ, ಶಾಂತತೆಯನ್ನು ಕಾಪಾಡಿಕೊಳ್ಳುವುದೇ ಯೋಗ.
ಚಂಚಲಂ ಹಿ ಮನಃ ಕೃಷ್ಣ ಪ್ರಮಾಥಿ ಬಲವದ್ ದೃಡಮ್ ||
ತಸ್ಯಾಹಂ ನಿಗ್ರಹಂ ಮನೋ ವಾಯೋರಿವ ಸುದುಷ್ಕರಮ್ || “ಹೇ ದೇವಾಧಿದೇವಾ, ಈ ಮನವು ಬಹು ಚಂಚಲ. ನಮ್ಮನ್ನೆಲ್ಲ ತನ್ನ ಪ್ರಭಾವಕ್ಕೊಳಪಡಿಸಿಕೊಂಡು ಕುಣಿಸುತ್ತದೆ. ಅದನ್ನು ನಿಯಂತ್ರಿಸುವುದು ಸಾಮಾನ್ಯದ ಮಾತಲ್ಲ – ಎಂಬುದನ್ನೇ ಯೋಗವು ತಿಳಿಸುತ್ತದೆ. ಈ ಮಾತನ್ನೇ ಅರ್ಜುನನ ಮನದಾಳದಲ್ಲಿಳಿಯುವಂತೆ ಮಾಡಿ ಆತನು ಕೊನೆಗೊಮ್ಮೆ – ‘ಹೇ ಪ್ರಭು ನೀನು ಹೇಗೆ ಹೇಳುವೆಯೋ ಹಾಗೆ ಮಾಡುವುದೇ ನನ್ನ ಕರ್ತವ್ಯ’ ಎಂಬುದಾಗಿ ಹೇಳಿ ಹೋರಾಟಕ್ಕೆ ಸಿದ್ಧನಾಗುತ್ತಾನೆ. ಈ ಗ್ರಂಥವು ಗೀತೆಯ ಸಂಕ್ಷಿಪ್ತ ರೂಪವೆನಿಸುತ್ತದೆ.
ಪ್ರಯತ್ನ ದೃತ ಮನಸ್ತು ಯೋಗಿ ಸಂಶುದ್ದ ಕಿಷಃ |
ಅನೇಕ ಜನ್ಮ ಸಂಸಿದ್ದ: ತತೋಯಾತಿ ಪರಾಂಗತಿಮ್ || ಯೋಗಿಯಾದವನು ಶುದ್ದಭಕ್ತಿಯೊಂದಿಗೆ ಸತತ ಪ್ರಯತ್ನದಲ್ಲಿ ನಿರತನಾಗಿ ಅನೇಕ ಜನ್ಮಗಳ ಸಾಧನೆಯಿಂದ ಪರಮೋಚ್ಚ ಸಾಧನೆಯ ಹಂತವನ್ನು ತಲುಪಬಹುದು ಎಂಬ ಮಾತನ್ನೇ ಶ್ರೀ ಶ್ರೀಮದ್ ಎ.ಸಿ. ಭಕ್ತಿವೇದಾಂತ ಸ್ವಾಮಿ ಪ್ರಭುಪಾದರು ಈ ಕಿರುಹೊತ್ತಿಗೆಯಲ್ಲಿ ನಿರೂಪಿಸಿದ್ದಾರೆ. ಇದೊಂದು ಅಭ್ಯಾಸಯೋಗ್ಯವಾದ ಸಾಹಿತ್ಯವಾಗಿದೆ. ಈ ತರಹದ ಗ್ರಂಥಗಳು ಹೊರ ಬರುತ್ತಿರುವುದು ಕನ್ನಡಿಗರೆಲ್ಲರ ಭಾಗ್ಯವೆಂದೆಣಿಸಿದಲ್ಲಿ ತಪ್ಪಾಗಲಾರದು. ಈ ಗ್ರಂಥಗಳು ನನ್ನ ಅಂತರಾತ್ಮಕ್ಕೆ ಧನ್ಯತೆಯನ್ನುಂಟು ಮಾಡಿವೆ. ಅಲ್ಪಾವಧಿಯಲ್ಲಿಯೇ ಈ ಗ್ರಂಥ ಪ್ರಾಂತೀಯ ಭಾಷೆಯಾದ ಕನ್ನಡದಲ್ಲಿ ಹದಿನೈದು ಸಾವಿರ ಪ್ರತಿಗಳು ಪ್ರಕಟಗೊಂಡು ಮಾರಾಟವಾದುದು ಬಹುಸಮಾಧಾನದ ಮಾತೆನಿಸುತ್ತದೆ. – ಆದ್ಯ ರಾಮಾಚಾರ್ಯ