Science of Self Realization- Gujarati (ગુજરાતી)

પ્રસ્તાવના
કોણ છે શ્રીલ પ્રભુપાદ?” લોકો અવારનવાર પૂછે છે અને તે પ્રશ્નનો જવાબ આપવો હંમેશાં મુશ્કેલ છે. કારણ કે શ્રીલ પ્રભુપાદ સામાન્ય પદવીઓ અને ઓળખાણોથી અત્યંત ઉચ્ચ અવસ્થાએ રહેલા હતા. જુદા જુદા સમયે લોકોએ તેમને વિદ્વાન, તત્ત્વજ્ઞાની, સાંસ્કૃતિક એલચી, મહાન લેખક, ધાર્મિક નેતા, આધ્યાત્મિક ગુરુ, સમાજ-વિવેચક અને પવિત્ર સંત એમ વિવિધ નામે સંબોધ્યા છે. એ સાચી વાત છે કે તેઓ આ બધું તો હતા જ, પરંતુ તેથી પણ વધારે હતા. એ તો ચોક્કસ છે કે કોઈ કદી પણ તેમને હાલના વેપારી ‘ગુરુઓ’ સાથે ભેળવી દઈ શકે નહીં. તેઓ તો તાત્કાલિક સારા થઈ જવાની આપણી વૃત્તિને સંતોષવા અને આપણી જાણીતી આધ્યાત્મિક અજ્ઞાનતાનું શોષણ કરવા આવે છે અને તેમની સામગ્રીમાં હોય છે પોર્વાત્ય આધ્યાત્મિકતાના પાણી જેવા પાતળા કરી મૂકેલા નિઃસત્ત્વ રૂપાંતરની નાજુક ભેટ . શ્રીલ પ્રભુપાદ તો ઊંડી બુદ્ધિમત્તાવાળા અને આધ્યાત્મિક સમૃદ્ધિવાળા, સાચે જ એક પવિત્ર સાધુપુરુષ હતા, અને આટલા મોટા પ્રમાણમાં સાચી આધ્યાત્મિકતાથી વંચિત, આપણા સમાજ માટે તેમને ઊંડી લાગણી તથા સહાનુભૂતિ હતાં.
માનવ સમાજની જાગૃતિને માટે શ્રીલ પ્રભુપાદે ભારતના મહાન આધ્યાત્મિક શાસ્ત્રોના કાંઈ એંશી જેટલાં ભાષાંતરો અને મર્મગ્રાહી સ્વાધ્યાયો તૈયાર કર્યા છે, અને તેમનું એ વિપુલ સર્જન અંગ્રેજીમાં અને અન્ય ઘણી પરદેશી ભાષાઓમાં પ્રગટ થયું છે. વધારામાં, ૧૯૪૪માં શ્રીલ પ્રભુપાદે એકલે હાથે ‘બેંક ટુ ગૉડહેડ’ નામે જે સામયિક શરૂ કર્યું, તેની આજે પાંચ લાખથી વધારે નકલો તો કેવળ અંગ્રેજીમાં વંચાય છે. લગભગ બધી જ મુલાકાતો, બધા જ વ્યાખ્યાનો, નિબંધો અને પત્રો જે આ સંગ્રહ ‘આત્મ-સાક્ષાત્કારનું વિજ્ઞાન’ માટે પસંદ કરવામાં આવ્યાં છે, તે પ્રથમ ‘બેક ટુ ગાંડહેડ” માં પ્રગટ થઈ ચૂકેલાં
આ પૃષ્ઠોમાં શ્રીલ પ્રભુપાદ એ જ સંદેશો આપે છે જે મહામુનિ વ્યાસદેવે હજારો વર્ષ પૂર્વે સંભળાવ્યો હતો. તે સંદેશ છે પ્રાચીન ભારતની વૈદિક સંસ્કૃતિ અને સાહિત્યનો. આપણે જોઈશું કે તેઓશ્રી મુક્ત મને અને વારંવાર ભગવદ્ગીતામાંથી, શ્રીમદ્ ભાગવતમાંથી, અન્ય વૈદિક ગ્રંથોમાંથી અવતરણો આપે છે. આત્મ-સાક્ષાત્કાર પામી ચૂકેલા અન્ય મહાન ગુરુજનોએ જેને યુગો પર્યત પ્રબોધ્યું છે તે દેશકાલાતીત જ્ઞાનને તેઓશ્રી આધુનિક અંગ્રેજીમાં અભિવ્યક્ત કરે છે. તે એ જ્ઞાન છે કે જે આપણી અંદર રહેલાં ‘સ્વ’ નાં ગુપ્ત રહસ્યોને, પ્રકૃતિને અને વિશ્વને તથા આંતરબાહ્ય, સર્વત્ર વ્યાપ્ત, પરમોચ્ચ તત્ત્વને પ્રગટ કરે છે. આપણને આશ્ચર્યચકિત કરી નાખે તેટલી સ્પષ્ટતાથી શ્રીલ
શ્રીલ પ્રભુપાદ ગૂઢ આધ્યાત્મિક સત્યોને અત્યંત સ્પષ્ટતાપૂર્વક, મુદ્દાસર અને ગળે ઉતરે તેવી છટાથી સમજાવે છે અને સાબિત કરે છે કે આત્મ-સાક્ષાત્કારનું આ વિજ્ઞાન આધુનિક વિશ્વ માટે આજે પણ તેટલું જ સુસંગત અને વ્યવહારિક મૂલ્ય ધરાવનારું છે.