Teachings of Lord Chaitanya- Kannada (ಕನ್ನಡ)

ಶ್ರೀ ಚೈತನ್ಯ ಮಹಾಪ್ರಭುಗಳು ಕೃಷ್ಣಭಕ್ತಿಯನ್ನು ಜನಗಳ ಹೃದಯದಲ್ಲಿ ತುಂಬಿ ಜನರ ಮನಸ್ಸು ಕೃಷ್ಣಪ್ರಜ್ಞೆಯಲ್ಲಿ ಲಯಿಸುವಂತೆ ಮಾಡಿದ ಸಂತಶ್ರೇಷ್ಠರು. ಶ್ರೀ ಶ್ರೀಮದ್ ಭಕ್ತಿವೇದಾಂತ ಸ್ವಾಮಿ ಪ್ರಭುಪಾದರೋ ಚೈತನ್ಯ ಮಹಾಪ್ರಭುಗಳ ಅನುಭಾವವನ್ನೂ ಅವರ ಬೋಧನೆಗಳನ್ನೂ ಈ ಗ್ರಂಥದಲ್ಲಿ ಅನಾವರಣಗೊಳಿಸಿ ಚೈತನ್ಯ ಪ್ರಭುಗಳನ್ನು ನಿ ಓದುಗರ ಹೃದಯಕ್ಕೆ ಹತ್ತಿರ ತಂದಿದ್ದಾರೆ. ಈ ಕೃತಿಯು ಭಗವಾನ್ ಚೈತನ್ಯರ ಅಸಾಧಾರಣ ಬದುಕನ್ನೂ ಮುಕ್ತಿಮಾರ್ಗವಾಗಿ ಅವರು ತೋರಿಸಿದ ಭಕ್ತಿಮಾರ್ಗದ ಸಾರವನ್ನೂ ವಿವರಿಸುತ್ತದೆ.
ಭಕ್ತಿ ಎಂಬುದು ಪರಮಸುಲಭವಾದ ಭಾವಪೂರ್ಣ ಹಾಗೂ ಕ್ರಿಯಾಶೀಲ ಸಾಧನೆ: ಭಕ್ತಿಯ ಪರಾಕಾಷ್ಟೆಯಲ್ಲಿರುವವನು ಭಗವಂತನ ಸೇವೆಯಲ್ಲಿ ಸದಾ ನಿರತನಾಗಿರುತ್ತಾನೆ. ಅವನ ಬಾಹ್ಯ ವ್ಯವಹಾರ ಹುಚ್ಚನಂತಿರುತ್ತದೆ. ಅವನು ಒಮ್ಮೆ ಅಳುತ್ತಾನೆ. ಒಮ್ಮೆ ನಗುತ್ತಾನೆ. ಅವನು ಆನಂದಮಯವಾದ ಒಂದು ಪ್ರಪಂಚದಲ್ಲಿ ಇರುತ್ತಾನೆ. ಚೈತನ್ಯಪ್ರಭುಗಳು ಇಂತಹ ಮುಕ್ತ ಸ್ಥಿತಿಯನ್ನು ಸಾಧಿಸಿದವರು ಮತ್ತು ಬೋಧಿಸಿದವರೂ ಕೂಡ. ಇವರ ಚರಿತ್ರೆಯನ್ನೂ ಬೋಧನೆಗಳನ್ನೂ ಈ ಕೃತಿಯ ರೂಪದಲ್ಲಿ ಜಗತ್ತಿಗೆ ಅನುಗ್ರಹಸಿದ ಶ್ರೀಲಪ್ರಭುಪಾದರ ಕೃಪೆ ಅಪಾರವಾದುದು.
ಪರಿಶುದ್ಧ ದೈವಪ್ರೇಮದ ಆನಂದವನ್ನು ನಮಗೆ ಒದಗಿಸಿಕೊಟ್ಟಿರುವ ವೇದಾಂತ ದರ್ಶನವೆಂಬ ಶ್ರೀಲ ಪ್ರಭುಪಾದರ ಈ ಕೃತಿಯು ಪ್ರತಿಯೊಬ್ಬರೂ ಓದಿ ಮನನ ಮಾಡಿ ನಿಧಿಧ್ಯಾಸನ ಮಾಡಬೇಕಾದ ವಿಚಾರಧಾರೆಯುಳ್ಳ ಕೃತಿ. ಇದನ್ನು ಓದಿ ಜಗತ್ತಿನಲ್ಲಿ ಎಲ್ಲರೂ ಕೃಷ್ಣಪ್ರಜ್ಞೆಗೆ ಸ್ಥಿತರಾಗಿ ಪ್ರಭುವಿನ ಅಲೌಕಿಕ ಸೇವೆಯಲ್ಲಿ ನಿರತರಾಗಿ ದೈವೀಗುಣಗಳನ್ನು ವೃದ್ಧಿಸಿಕೊಳ್ಳಲಿ ಎಂದು ಹಾರೈಸುತ್ತೇನೆ.
— ಡಾ.ಪಿ.ಎಸ್. ರಾಮಾನುಜಂ
0
0
ಶ್ರೀ ಶ್ರೀಮದ್ ಎ.ಸಿ. ಭಕ್ತಿವೇದಾಂತ ಸ್ವಾಮಿ ಪ್ರಭುಪಾದ ಸಂಸ್ಥಾಪಕರು ಮತ್ತು ಆಚಾರ್ಯರು: ಅಂತಾರಾಷ್ಟ್ರೀಯ ಕೃಷ್ಣ ಪ್ರಜ್ಞಾ ಸಂಘ