Dharma, The Way Of Transcendence- Kannada (ಕನ್ನಡ)

ಶ್ರೀ ಶ್ರೀಮದ್ ಎ.ಸಿ, ಭಕ್ತಿವೇದಾಂತ ಸ್ವಾಮಿ ಪ್ರಭುಪಾದ
ಸಂಸ್ಥಾಪನಾಚಾರ್ಯರು : ಅಂತಾರಾಷ್ಟ್ರೀಯ ಕೃಷ್ಣಪ್ಪ ಭಾ ಸಂಘ
ಧರ್ಮ: ಏಕೆ? ಏನು? ‘ಧರ್ಮ ಏಕೆ? ಏನು?’ ಎಂಬ ಈ ಗ್ರಂಥವು ಕೃಷ್ಣನ ಪ್ರೀತಿಪೂರ್ವಕ ದಾಸರೆಂಬ ನಮ್ಮ ಮೂಲ ಸ್ಥಾನಕ್ಕೆ, ನಮ್ಮ ನಿಜ ಸ್ವಭಾವಕ್ಕೆ ನಮ್ಮನ್ನು ಮರಳಿ ಕರೆದೊಯ್ಯುತ್ತದೆ. ಧರ್ಮಕ್ಕಿರುವ ಇನ್ನೊಂದು ಅರ್ಥವೆಂದರೆ ‘ಕರ್ತವ್ಯ’, ಖುಷಿಬಂದದ್ದನ್ನು ಮಾಡು’ – ಎಂಬ ಆತ್ಮ ಸಂತುಷ್ಟಿಯ ನೀತಿಗೆ ಮನಸೋತು ನಾವು ಇಪ್ಪತ್ತನೆಯ ಶತಮಾನದ ಕೊನೆಯ ಭಾಗದಲ್ಲಿ ಕರ್ತವ್ಯ ಮತ್ತು ಹೊಣೆಗಾರಿಕೆಯ ಪ್ರಜ್ಞೆಯನ್ನು ತೊರೆಯುವ ಪ್ರಯೋಗ ನಡೆಸಿದ್ದೇವೆ. ಆದರೆ ಈ ಪ್ರಯೋಗ ವಿಫಲವಾಗಿದೆಯೆಂದು ಈಗ ನಮ್ಮಲ್ಲಿ ಅನೇಕರಿಗೆ ಮನವರಿಕೆಯಾಗಿದೆ. ಸೌಖ್ಯವೇ ಮುಖ್ಯ ಪುರುಷಾರ್ಥವೆಂಬ ವಾದದ ಪ್ರಕ್ಷುಬ್ಧ ಸಾಗರದಲ್ಲಿ ನಮ್ಮ ನೈತಿಕ ಬೇರುಗಳನ್ನು ಕಳೆದುಕೊಂಡಿದ್ದೇವೆ ಎಂಬ ಭಾವನೆ ಜನರಲ್ಲಿ ಬರುತ್ತಿದೆ. ಕರ್ತವ್ಯದತ್ತ ಮತ್ತೊಮ್ಮೆ ಒಲವು ಮೂಡುತ್ತಿದೆ. ಆದರೆ ಯಾರಿಗಾಗಿ ಕರ್ತವ್ಯ, ಏತಕ್ಕಾಗಿ ಕರ್ತವ್ಯ? ಈ ಪ್ರಶ್ನೆಗಳಿಗೆ ನಾವು ಉತ್ತರ ಕೊಡಬೇಕಾದರೆ ಧರ್ಮದ ಇನ್ನೊಂದು ಭಾಗವಾದ ನಮ್ಮ ಅಂತರ್ಗತವಾದ ಗುಣವನ್ನು ಅರ್ಥಮಾಡಿಕೊಳ್ಳುವುದರಿಂದ ಮಾತ್ರ ಸಾಧ್ಯ. ಕೃಷ್ಣನಿಗೆ ಪ್ರೀತಿಪೂರ್ವಕ ಸೇವೆಯನ್ನು ಸಲ್ಲಿಸುವುದು ನಮ್ಮ ಅಂತರ್ಗತವಾದ ಗುಣವಾದರೆ, ಈ ಪ್ರೀತಿಪೂರ್ವಕ ಸೇವೆ ಅಥವಾ ಭಕ್ತಿಯನ್ನು ಜಾಗೃತಗೊಳಿಸಲು ನಮ್ಮ ಗಮನವನ್ನು ಕೇಂದ್ರೀಕರಿಸುವುದು ಮತ್ತು ಇತರರು ಅದೇ ಗುರಿಯನ್ನು ಸಾಧಿಸಲು ನೆರವಾಗುವುದು ನಮ್ಮ ಪ್ರಾಥಮಿಕ ಕರ್ತವ್ಯವಾಗುತ್ತದೆ.